ئەڵمانیا.. کەسێک به‌چه‌كه‌وه هێرشیكرده سه‌ر هاوڵاتیان
هه‌ولێر – نۆرس پرێس
پۆلیسی ئه‌ڵمانیا ڕایگه‌یاند، لە رۆژهەڵاتی ئەڵمانیا كه‌سێك به‌چه‌كه‌وه هێرشی كردوه‌ته سه‌ر مۆڵێكی گه‌وره‌ی شاری درێزدن و چه‌ندین هاوڵاتی ئه‌و شاره‌ی به‌دیلگرتوه.
میدیای ئەڵمانی بڵاویکردووەتەوە کە کەسێک لە مۆڵێک بە ناوی ئالتەرمارکێت گالێری چەند کەسێکی بە بارمتە گرتبوو، لە ئەنجامی رووبەڕووبوونەوە لەگەڵ پۆلیس، کەسێک کوژراوە و تەقەکەرەکە رایکردووە و هێشتا دەستگیرنەکراوە.
پۆلیس مۆڵەکەی بە خەڵک چۆڵکردووە و ئەو ناوە بە شریتی پۆلیس گیراوە، میدیای ئەڵمانی دەڵێت، قوربانییەکە لەلایەن تۆمەتبارەکەوە کوژراوە، بەڵام تاوەکو ئێستا پۆلیس بە فەرمی کوژرانی هیچ کەسێکی پشتڕاستنەکردووەتەوە.