لە عەفرین دەستەی تەحریرشام ماڵەکان دەپشکنن
عەفرین – نۆرس پرێس
ئێواره‌ی دوێنێ چوارشه‌ممه، ئه‌ندامانی هێزه ئه‌منییه‌كانی سەر بە ته‌حریرشام (به‌ره‌ی نوسره‌ی پێشوو) به بیانووی “گه‌ڕان به‌دوای به‌كارهێنه‌رانی ماده هۆشبه‌ره‌كان” هه‌ڵیانكوتایه‌ته سه‌ر ماڵه‌كان له گه‌ڕه‌كی ئه‌شره‌فیه‌ی عه‌فرین له رۆژئاوای کوردستان.
سەرچاوەیەکی تایبەت بە نۆرس پرێسی راگەیاندووە، کۆمەڵێک لە هێزە ئەمنییەکانی تەحریرشام هەڵیانکوتایە سەر ئەو ماڵانەی لە گەڕەکی ئەشرەفیە کە ئەندامانی فەیلەقی سێیەمیان تێیدا ماونەتەوە، بە بیانووی گەڕان بەدوای بەکارهێنەرانی ماددە هۆشبەرەکاندا.
ئاماژەی بەوەشکرد، ئەندامانی تەحریرشام بە جلوبەرگی پۆلیسی سەربازیەوە لە شارەکەدا هەڵمەتەکەیان ئەنجامداوە، بە یاوەری ژمارەیەک پۆلیس.
ئەو سەرچاوەیە ئاماژەی بەوەدا كە ئەو هێزانە شەوی رابردوو بەشێكی زۆری گەڕەكی ئەشرەفیەیان پشکنیوە، بەبێ ئەوەی ژمارەی دەستبەسەركراوان ئاشكرا بكات كە لە میانی هەڵمەتەكەدا دەسگیریان کردووە.
دوێنێ چوارشەممە، سەرانی تەحریرشام هێرشیان کردە سەر کامپێکی هەڕەمەکی لە نزیک فولکەی کاوە لە ناوەندی عەفرین لەکاتێکدا بەدوای سێ ئەندامی فەیلەقی سێیەمدا دەگەڕان، بەپێی سەرچاوەکە.
لە 21ی تشرینی یەکەمدا، تەحریرشام ئەندامان و کەرەستە سەربازییە قورسەکانیان لە ناوچەکانی کەفرجەننە و عەفرین و جندیرەس بەرەو ناوچەکانی کۆنترۆڵکردنیان لە گوندەواری ئیدلب کشاندەوە، ئەمەش دوای دەستێوەردانێکی تورکیا و بڵاوەپێکردنی هێزەکانیان هات لە ناوچەکەدا.
بەڵام چاودێران رایانگەیاند، کە کشانەوەکەی تورکیا دوای کاردانەوە نێودەوڵەتییەکان هاتووە بە رەتکردنەوەی فراوانخوازی “بەرەی نوسرە” لە ناوچەکانی باکووری حەڵەب.
بە وتەی سەرچاوەکە، تەحریرشام بەربەست و بازگەکانی رادەستی “سائیرون لیلتەحریر” کردووە بۆ بەڕێوەبردنی ناوچەکە وەک هێزی چارەسەرکردنی ململانێ لە نێوان هەردوو لایەندا.
شاری عەفرین لە باکووری حەلەب لە مانگی ئازاری 2018ـەوە لەژێر کۆنترۆڵی گروپەکانی ئۆپۆزسیۆنی تورکیا دایە.