مەزڵوم عەبدی: بە بەدیهاتنی ئاشتی لە تورکیا هیچ بەهانەیەکیان نامێنێت بۆ هێرشەكردنە سەرمان
حەسەكە – نۆرس پرێس
جەنەڕاڵ مەزڵوم عەبدی، فەرماندەی گشتیی هێزەكانی سووریا دیموكرات پێشوازیی لە پەیامەکەی ئۆجەلان کرد ، گوتیشی “ئەگەر ئاشتی لە توركیا بەدیبێت، ئیدی هیچ بەهانەیەک بۆ هێرشەكانی توركیا بۆ سەر ئێمە لە سووریا نامێنێت”.
جەنەڕاڵ عەبدی گوتی پەیامەکەی ئۆجەلانی بە “مێژوویی” ناویبرد و گوتی: “لێکەوتەی ئەرێنیی لە ناوچەکەدا دەبێت، ئەرێنی بوو و جەخت لە ئاشتی و ئارامی ناوچەكە دەكاتەوە، داوای كۆتاییهێنان بە شەڕ و دەستپێكردنی پرۆسەی سیاسی لەناوخۆی توركیا دەكات”.
راشیگەیاند کە داواکارییەکەی ئۆجەلان بۆ هەڵوەشاندنەوە و چەکدانان، تایبەتە بە پارتی كرێكارانی كوردستان – پەكەكە وهیچ پەیوەندییەكی بە هێزەکانی سووریای دیموکراتەوە نییە.