وەزارەتی ناوخۆی عێراق رەتیدەکاتەوە كە هیچ جموجۆڵێکی داعش لە سنوورەکانی لەگەڵ سوریا هەبێت
دیمەشق- نۆرس پرێس
ئێوارەی دوێنێ یەکشەممە، وەزارەتی ناوخۆی عێراق، راتیكردەوە كە هیچ جموجۆڵێکی رێکخراوی دەوڵەتی ئیسلامی “داعش” لە سنووری نێوان عێراق و سوریا هەبێت.
میقداد میری وتەبێژی وەزارەتی ناوخۆی عێراق لە لێدوانێكدا بۆ تۆڕی میدیایی”رووداو” رایگەیاند، سنوورەکان لەگەڵ سوریا ” هیچ ترسێکیان نییە”.
میری ئاماژەی بەوەشكرد: هیچ زانیارییەک لەسەر جموجۆڵەکانی داعش لەو سنورەدا نییە و ئەم هەواڵە تەنها هەواڵی تۆڕەكۆمەڵایەتییەكانن.
لە ناوەڕاستی مانگی ڕابردوو فوئاد حوسێن، وەزیری دەرەوەی عێراق هۆشداری لە مەترسییەکانی داعش لە سوریا دا، ئەویش دوای ئەوەی داعش دەستی بەسەر چەکی نوێدا گرت.