پنتاگۆن: ئاگربەستی نێوان هێزەکانی سوریای دیموکرات و تورکیا تا ئێستا بەردەوامە
مونبج – نۆرس پرێس
وەزارەتی بەرگری ئەمریکا (پنتاگۆن) شەوی دووشەممە رایگەیاند، ئاگربەستی نێوان هێزەکانی سوریای دیموکرات و تورکیا لە شاری مونبج “هێشتا بەردەوامە”.
وتەبێژی پنتاگۆن سابرینا سینگ رایگەیاند، “ئاگربەست لەو بەشەی باکووری سوریا بەردەوامە”.
هێزەکانی سوریای دیموکرات تورکیایان بە پێشێلکردنی ئاگربەست تۆمەتبار کرد و ڕایگەیاند، سەرەڕای هەوڵەكانی ویلایەتە یەکگرتووەکانی ئەمەریکا، بەڵام تورکیا و میلیشیاكانی بەردەوامن لە هێرشەکانیان بۆ سەر ناوچەکانی دەوروبەری کۆبانێ، بەنداوی تیشرین ، و عێن عیسا.