زرێپۆشەکانی هاوپەیمانی نێودەوڵەتی لە شاری رەقە
رەقە – نۆرس پرێس
ئەمڕۆ چوارشەممە زرێپۆشەکانی هاوپەیمانی نێودەوڵەتی چونە ناو شاری رەقەی باکوری سوریا.
دوای هێرشەکانی تورکیا بۆ سەر شارەکانی مونبج و کۆبانێ، ناوچەکانی رۆژئاوای كوردستان گرژییان تێكەوتووە.
سەرچاوەکان بە نۆرس پرێسیان ڕاگەیاند، هاوپەیمانی نێودەوڵەتی سەردانی زیندانی ناوەندی و بارەگای فیرقەی ١٧یان کردووە لە باکووری شاری رەقە.
كاروانە سەربازییەكەی ئەمریكا جگە لە زریپۆشەكان ئۆتۆمبێلی سەربازیشیان لەگەل بوو و لەشەقامەكانی شاری رەقە دەگەڕان.
سەرچاوەکان ئاماژەیان بەوەش کردووە کە زرێپۆشەکان نزیکەی دوو کاتژمێر لە زیندانی ناوەندیدا ماونەتەوە.