هێزەکانی چیچانی هاوپەیمانی مۆسکۆ لەناوبردنی جەندین فڕۆكەی بێ فڕۆكەوانی ئۆکرانیا ڕادەگەیەنن
دیمەشق – نۆرس پرێس
شەوی یەکشەممە فەرماندەی هێزەکانی “ئەحمەد”ی چیچان ڕایگەیاند، هێزەکانی ڕووسیا چەندین فڕۆكەی بێ فڕۆكەوانی جۆری “بابا یاگا”ی سەر بە هێزەکانی ئۆکرانیایان لە پارێزگای کورسک تێکشکاندووە.
هێزەکانی “ئەحمەد” هێزێكی تایبەتی چیچانییە کە لە چوار کەتیبە و ١٠ هەزار سەرباز پێکهاتوون، و شانبەشانی هێزەکانی ڕووسیا لە شەڕی دژی ئۆکرانیا بەشدارن.
ئەباتی عەلادینۆڤ، فەرماندەی هێزەکانی “ئەحمەد” ڕایگەیاند کە هێزەکانی توانیویانە “چەند فڕۆكەی بێ فڕۆكەوانی ئۆکرانی جۆری “بابا یاگا” تێكبشكێنن.
ئاماژەی بەوەشکرد، توانیمان چەندین شوێنی سەربازی هێزەکانی ئۆکرانیا تێكبشكێنن، لەنێویاندا سەکۆیەکی تۆپخانە و گوللە هاوەن.