رووسیا: 15 موشه‌كی ئۆکرانیامان خستەخوارەوە
هەولێر – نۆرس پرێس
ئەمڕۆ هەینی، وه‌زاره‌تی به‌رگری رووسیا بڵاویکردەوە، 15 موشه‌كی ئۆکرانیان له ناوچه‌ی بێلگۆرۆد له باشوری رۆژئاوای رووسیا خستووەتەخوارەوە.
وه‌زاره‌تی به‌رگری رووسیا له راگه‌یه‌ندراوێكدا بڵاویكرده‌وه، هه‌وڵێكی نوێی ئۆکرانیایان بۆ ئەنجامدانی هێرشی مووشەکی پوچه‌ڵكرایه‌وه، دژە موشەکەکانی رووسیا 15 موشه‌كیان خسته خواره‌وه، كه شاری سنوری بێلگۆردیان كردبوه ئامانج.
بە گوتەی وەزارەتی بەرگری رووسیا، هێزه‌كانی ئۆكرانیا رۆژانه دامه‌زراوه‌کان له ناوچه سنورییه‌كان له‌گه‌ڵ رووسیا له پارێزگاكانی بێلگۆرۆد، برایانسك، كورسك، ڤۆرۆنج، رۆستۆڤ ئۆن دۆن و نیمچه دورگه‌ی كریمیا، به فڕۆكه‌ی بێفڕۆكه‌وان و موشه‌ك و تۆپخانه، ده‌كه‌نه ئامانج.