میدیای فەرمی: ئیسرائیل بۆردوومانی دیمەشقی کرد
دیمەشق – نۆرس پرێس
شەوی چوارشەممە/پێنجشەممە، هێزەکانی ئیسرائیل بە مووشەک ناوچەی سەیدە زەینەبیان لە دیمەشق کردە ئامانج.
ئاژانسی راگەیاندنی حکومەتی سورریا رایگەیاند، کە بەرگری ئاسمانیان سەرجەم مووشەکەکانی ئیسرائیلیان خستووەتە خوارەوە.
رادیۆی “شام ئێف ئێم”ی حکوومەت بڵاویکردەوە، کە “دوژمنی ئیسرائیل شارۆچکەی حجیرە و یەکێک لە ناوچەکانی دەروازەی شارۆچکەی سەیدە زەینەبیان کردووەتە ئامانج”.
زانیارییە سەرەتاییەکان ئاماژە بە بوونی بریندار دەدەن و ئۆتۆمبێلەکانی ئاگرکوژێنەوەش لەو ناوچانەن بۆ پاککردنەوەی پاشماوەکان.