بەرزبوونەوەی ژمارەی کوژراوانی سوپای پاسدارانی ئێران لە بۆردوومانەکەی ئیسرائیلدا بۆ سەر دیمەشق
دیمەشق – نۆرس پرێس
ئەمڕۆ یەکشەممە، سوپای پاسدارانی ئێران رایگەیاند، بەهۆی هێرشی ئاسمانیەکەی ئیسرائیلەوە بۆ سەر ناوچەی مەززە لە دیمەشق راوێژکارێکی دیکەی سەربازییان لە سووریا، بەهۆی سەختی برینەکانیەوە گیانی لەدەستداوە.
دەزگای فەرمیی “ئیرنا”ی ئێران رایگەیاندووە کە “محەمەد ئەمین سەمەدی” یەکێک لە راوێژکارە سەربازییەکانی ئێران لە سووریا “بەهۆی سەختی برینەکانیەوە گیانی لەدەستداوە”.
دوێنێ سوپای پاسدارانی ئێران ناوی ئەو راوێژکارانەی بڵاوکردەوە، کە لە بۆردومانەکەی ئیسرائیلدا کوژران، ئەوانیش “حوجەتوڵڵا ئومیدوار، عەلی ئەغازادە، حوسێن محەمەدی، سەعید کەریمی” بوون.