باڵیۆزی ئەمریكا لە عێراق: هێرشه‌كانی ئێران بۆ سه‌ر هه‌ولێر، هاووڵاتیانی مەدەنییان كردووه‌ته ئامانج
هه‌ولێر – نۆرس پرێس
له‌باره‌ی هێرشه موشه‌كییه‌كه‌ی شه‌وی رابردووی سوپای پاسدارانی ئێران بۆ سه‌ر هه‌ولێر باڵیۆزی ئەمریكا لە عێراق ده‌ڵێت هێرشه‌كان بێ جیاوازی هاووڵاتیانی مەدەنییان كردە ئامانج.
ئەلینا رۆمانۆسكی، باڵیۆزی ئەمریكا لە عێراق ئاماژه‌ی به‌وه‌كردووه: هێرشە مووشەكییە كوشندەكانی ئێران بە توندترین شێوە سه‌ركۆنه ده‌كه‌م بۆ سەر هەرێمی كوردستانی عێراق، ئه‌وه‌ش ده‌خاته‌ڕوو هێرشه‌كان بە بێباكی و بێ جیاوازی هاووڵاتیانی مەدەنییان كردووه‌ته ئامانج.
هەروەها ده‌ڵێت هێرشەكانی ئەمدواییە پێشێلكارییەكی ئاشكرای سەروەری عێراقن.