هەوڵێکی هێنانی چەک بۆ ناو شاری ره‌ققه بۆ ئەنجامدانی کردەی تیرۆریستی پوچه‌ڵكرایه‌وه
ڕەقە – چاپخانەی باکوور
ئەمڕۆ یەکشەممە، هێزەکانی ئاسایشی رۆژئاوای كوردستان دەستگیرکردنی دوو کەسی سەر بە رێكخراوی تیرۆریستی (داعش)ی لەسەر ڕێگای نێوان رەققە و دێرەزوور راگەیاند.
ئاسایشی رۆژئاوای كوردستان لە راگەیەندراوێكدا ئاماژەی بەوە کردووە، هێزەکانیان دەستیان بەسەر بڕێک چەک و تەقەمەنی ئەو دوو کەسەدا گرتووە کە لە ڕێگەی چوونە رەققە بۆ ئەنجامدانی کردەی تیرۆریستی.
بەگوێرەی راگەیەندراوەكەی ئاسایشی رۆژئاوای كوردستان ئەو چەک و تەقەمەنیانە لەناو ئۆتۆمبێلێکی بارهەڵگردا حەشاردرابوون كە بەرهەمی پەتاتەی باركردبوو، دوو دەستگیرکراوەكەش دانیان بەوە داناوە كە پەیوەندییان لەگەڵ رێكخراوی داعش هەبووە.