دێره‌زوور.. دوای ئەوەی هێرش كرایه سەر بارەگاکانیان، هێزه‌كانی “دیفاع وه‌ته‌نی” له شه‌قامه‌كان بڵاوه‌یان پێده‌كرێت
دێره‌زوور – نۆرس پرێس
شەوی رابردوو، دوو بارەگای هێزه‌كانی “دیفاع وه‌ته‌نی” لە دێرەزۆر كرایه ئامانجی چه‌كدارانی نه‌ناسراو، به‌هۆی ئه‌گه‌ری هێرشی زیاتریش چه‌كداره‌كانی ئه‌م گروپه له شه‌قامه‌كانی دێره‌زوور بڵاوه‌یان پێكراوه.
سەرچاوەیەکی سەربازی لە “دیفاع وه‌ته‌نی” لە دێرەزوور ڕایگەیاند، “چەکدارانی نەناسراو دوو بارەگای ئه‌م گروپه‌یان لە شارۆچکەی قوریه و مەیادین لە گونده‌واری ڕۆژهەڵاتی دێرەزوور کردووه‌ته ئامانج، بە سوودوەرگرتن لە ته‌مومژاوی کەشوهەوای شەوی ڕابردوو لە ناوچەکەدا له‌گه‌ڵ ئه‌وه‌شدا هێرشه‌كان زیانی گیانی نه‌بووه و ته‌نیا زیانی ماددییان لێكه‌وتووه‌ته‌وه.
ئاماژەی بەوەشکرد، هێزەکانی “دیفاع وه‌ته‌نی” خراونه‌ته حاڵه‌تی ئاماده‌باشییه‌وه لە ترسی هێرشی دووباره ڕێگری لە ئەندامەکانی کردووە کە مۆڵەت وەربگرن و لە بارەگا و بازگەکانیان دوور بكه‌ونه‌وه.