سەرۆکی حکومەتی هەرێمی کوردستان پێشوازی لە سەرۆکی رەوتی “ئەلغەد”ی سووریا کرد
هەولێر – نۆرس پرێس
دوینی شەممە، مەسرور بارزانی، سەرۆکی حکومەتی هەرێمی کوردستان، پێشوازی لە “ئەحمەد ئەلجەربا”، سەرۆکی رەوتی (ئەلغەد)ی سووریا کرد.
ماڵپەڕی فەرمی حکومەتی هەرێمی کوردستان بڵاویکردەوە، کە لە میانی پێشوازیکردنی سەرۆکی حکومەتی هەرێمی کوردستاندا لە سەرۆکی رەوتی “ئەلغەد”ی سووریا، بیروڕا لەبارەی دوایین پێشهات و گۆڕانکارییەکانی سووریا و ناوچەکە ئاڵوگۆڕ کراوە.
هەر بە گوێرەی راگەێنراوەکە، “هەردوولا هاوڕابوون لەسەر چارەسەرکردنی کێشەکان بەشێوەیەکی ئاشتییانە و ڕێزگرتن لە مافەکانی گەلی کورد و هەموو پێکهاتەکان لە سووریا و پەرەپێدانی بەیەکەوەژیان لە نێوان پێکهاتە جیاوازەکان”.