دیارترین سیناتۆری ئەمریکی کە دژایەتی ڕێککەوتنی ئێف 16 لەگەڵ تورکیا دەکات دەست لە پۆستەکەی دەکێشێتەوە
هەولێر – نۆرس پرێس
بۆب مێنێندێز، سیناتۆری ناسراوی ئەمریکا، دوای ئەوەی بە تۆمەتی گەندەڵی تۆمەتبار کرا، بەشێوەیەکی کاتی لە پۆستی سەرۆکی لیژنەی پەیوەندییەکانی دەرەوەی ئەنجومەنی پیرانی ئەمریکا دەستی لەکارکێشایەوە.
راپۆرتە میدیاییەکانی ئەمریکا لە زاری سیناتۆر چاک شومەرەوە رایانگەیاندووە، هاوکارەکەی مێنێندێز بریاریداوە بەشێوەیەکی کاتی دەستلەکارکێشانەوەی لە پۆستەکەی وەک سەرۆکی لیژنەی پەیوەندییەکانی دەرەوە تاوەکو چارەسەرکردنی کێشەی دادوەری.
لە تۆمەتبارکردنێکدا کە لە دادگای فیدراڵی بۆ ناوچەی باشووری نیویۆرک تۆمارکراوە، مێنێندێز و هاوسەرەکەی نادین ئارسلانیان تۆمەتبارن بە بەشداریکردن لە بەرتیلدان لە پەیوەندییەکانیان لەگەڵ خاوەن خانووەکانی نیوجرسی.
داواکارانی گشتی فیدراڵی رایانگەیاندووە، لەکاتی پشکنینی ماڵی مێنێندێزدا دەستیان بەسەر بری 100 هەزار دۆلاری زێرین و 480 هەزار دۆلاری کاشدا گرتووە، ئەمەش لە چوارچێوەی لێکۆڵینەوەیەکدا کە زیاتر لە ساڵێکی خایاندووە.
هەروەها لە تۆمەتبارکردنەکەدا هاتووە کە مێنێندێز بە بەکارهێنانی پۆستەکەی وەک سیناتۆر، بەشدار بووە لە “چالاکییە گەندەڵییەکان” وەکو قەرەبووکردنەوەی نایاسایی گرێبەستی خانووبەرە، قەرەبووکردنەوەی نارێک لە دامەزراندن و هەروەها زێر و پارە.
ئەو سیناتۆرە دیارە کە هەڵوێستی بەهێزیشی هەبوو بەرامبەر بە سیاسەتەکانی ئێران، هەڵوێستی لەبارەی رێبازی تورکیا لە ناوچەکەدا گرتەبەر، لەوانە پەیوەندییەکانی لەگەڵ قوبرس و یۆنان سەبارەت بە دوورگەکان و سنوورە دەریاییەکان لە دەریای ناوەراست و ئیجە.
مێنێندێز ئەو تۆمەتانە رەتدەکاتەوە کە ئاراستەی کراوە و لە بەیاننامەیەکدا دەڵێت داواکارانی گشتی “کارکردنی ئاسایی نووسینگەیەکی کۆنگرێسیان بە هەڵە خستووەتەروو”.
لە نێو ئەو تۆمەتانەی کە لە تۆمەتنامەکەدا هاتووە، ئەوەیە کە مێنێندێز “زانیاری هەستیاری پێشکەش بە حکومەتی ئەمریکا کردووە و هەنگاوی دیکەی ناوە کە بە نهێنی هاوکاری حکومەتی میسری کردووە”.
هەروەها لە لیستەکەدا هاتووە، ئەو سیناتۆرە فشاری خستۆتە سەر بەرپرسێکی وەزارەتی کشتوکاڵی ئەمریکا بۆ پاراستنی ئەو قۆرخکارییە بازرگانییەی کە میسر بە هانای میسری-ئەمریکی بەخشیبوو.
مێنێندێز تا ئێستاش ئەندامی ئەنجومەنی پیرانە، هەرچەندە دەستی لە پۆستی سەرۆکی لیژنەی پەیوەندییەکانی دەرەوە لە هەمان دامەزراوە کێشاوەتەوە.