پێشڕەوییەکان چین لە تایوان زیادیکردووە
هەولێر – نۆرس پرێس
دوای ماوەیەک لە بێدەنگی چین لە جوڵە سەربازییەکانی لەنزیک دوورگەی تایوان، وەزارەتی بەرگری تایوان رایگەیاند، لەماوەی 24 کاتژمێردا نزیکبوونەوەی 103 فڕۆکەی جەنگی و 9 کەشتی چینییان لە دوورگەکە تۆمارکردووە.
وەزارەتی بەرگری تایوان لە راگەیاندراویکدا ئەوەیان خستووەتەڕوو ، ئەم ژمارەیە بەرزترین ژمارەیە کە لەم ماوەیەدا پێشڕەوییەکانی چین بەرەو دوورگەکە تۆمارکرابێت و ئاڵنگاری گەورەش لەسەر ئاسایشی ناوچەکە دروستدەکات.
ئاماژە بەئەوەشکراوە، لەو ژمارە فڕۆکانەی تۆمارکراوە 40 فرۆکەیان هێڵی جیاکەرەوەی سنوری چین و تایوانیان بەزاندووە و گەیشتوونەتە ناوچەی بەرگری تایوانەوە.
وەزارتی بەرگری تایوان داوای لە چین کردووە، راستەوخۆ کارە گێرەشێوێنیی و پشێوییەکانی خۆی لە دوورگەکەدا بوەستێنێت چونکە ئەم کارانە دەتوانێت بەئاسانی نیگەرانییەکانی ناوچەکە بەرزبکاتەوە.
لە ماوەی پێشووشدا سەردانەکانی بەرپرسانی باڵای تایوان بۆ ئەمریکا و سەردانی جێگری سەرۆکی تایوان بۆ ئەمریکا بووەهۆی بەرزکردنەوەی گرژییەکانی نێوان تایوان و چین و لێدوانی توند لە دژی یەکدی دەدەن.
چین دەڵێت، “تایوان (کە حکومڕانی سەربەخۆی هەیە)، بەشێکە لەخاکەکەی خۆمان و رۆژێک بەدەستی دەهێننەوە ئەگەر بێت و بگاتە ئاستی بەکارهێنانی هێز، لەساڵآنی رابردووشدا چین فشارە دیبلۆماسی و سەربازییەکانی خۆی بۆسەر ئەو وڵاتە زیادکردووە و تایوانیش بەرهەڵستی ئەم هەنگاوە دەکات، چونکە خۆی بەسەربەخۆ دادەنێت و ناچێتە ژێر رکێفی حوکمی چینەوە.