یەک دۆلار گەیشتە 12هەزار لیرەی سوری
قامشلۆ – نۆرس پرێس
بەهای لیرەی سوری بەردەوامە لە دابەزینی خێرای بەرامبەر بە دۆلاری ئەمریکی و دراوە بیانییەکان، ئەمڕۆش نرخی یەک دۆلار گەیشتە 12 هەزار لیرە لە زۆربەی ناوچەکانی سوریا و رۆژئاڤادا.
نرخی یەک دۆلار لە بازاڕەکانی شاری حەسەکەدا، 12 هەزار لیرە بوو بۆ کڕین و 11,800 لیرە بۆ فرۆشتن، لە رەققە، 11,600 لیرە بۆ کڕین و 11,700 لیرە بۆ فرۆشتن، بە گوێرەی نوسینگەکانی ئاڵوگۆڕی دراو لەو ناوچانە، کە بە نۆرس پرێسیان راگەیاندبوو.
لە بازاڕی قامشلۆدا نرخی لیرە بەرامبەر دۆلاربە 11,900 لیرە بۆ فرۆشتن و 11,800 لیرە بوو بۆ کڕین.
لە دیمەشق نرخی دۆلار گەیشتە 11,700 لیرە فرۆشتن و 11,500 لیرە بۆ کڕین، هەروەک چۆن لە ئیدلب 11,750 لیرە بۆ فرۆشتن و 11,700 لیرەی بۆ کڕین تۆمارکردووە، لە حەڵەبیش نرخی یەک دۆلار گەیشتە 11,800 بۆ کڕین و بە 12 هەزار لیرە فرۆشراو، بەگوێرەی ماڵپەڕی “لیرەی ئەمڕۆ”.