ئەنجوومەنی ئاسایش یەکەم دانوستان لەسەر هەڕەشەی زیرەکی دەستکرد ئەنجامدەدات
هەولێر – نۆرس پرێس
ئەنجوومەنی ئاسایشی نەتەوە یەکگرتووەکان لەم هەفتەیەدا یەکەم دیبەیتی فەرمی خۆی لەسەر زیرەکی دەستکرد لە نیویۆرک ئەنجامدەدات و بڕیارە بەریتانیا داوای گفتوگۆیەکی نێودەوڵەتی بکات سەبارەت بە کاریگەرییەکانی زیرەکی دەستکرد لەسەر ئاشتی و ئاسایشی جیهان.
حکومەتەکانی جیهان بیر لەوە دەکەنەوە کە چۆن مەترسییەکانی سەرهەڵدانی تەکنەلۆژیای AI کەم بکەنەوە، کە دەتوانێت ئابووری جیهانی لە قاڵب بداتەوە و دیمەنی ئاسایشی نێودەوڵەتی بگۆڕێت.
بەریتانیا لەم مانگەدا سەرۆکایەتی کۆبوونەوەی ئەنجومەنی ئاسایشی نەتەوە یەکگرتووەکانی بەدەستەوەیە و بەدوای رۆڵی سەرکردایەتی جیهانیدا دەگەڕێت لە ڕێکخستنی بەکارهێنانی زیرەکی دەستکرد.
جەیمس کلیڤەرلی، وەزیری دەرەوەی بەریتانیا رۆژی سێشەممە، 18ی تەمموزی 2023، سەرۆکایەتی دیبەیتەکە دەکات.
لە مانگی حوزەیران، ئەنتۆنیۆ گۆتێرێس، سکرتێری گشتی نەتەوە یەکگرتووەکان پشتگیری لە پێشنیارێکی هەندێک لە بەڕێوەبەرانی AI کرد بۆ دروستکردنی چاودێرێکی نێودەوڵەتی سیستمەکە بە درێژایی هێڵەکانی ئاژانسی نێودەوڵەتی وزەی ئەتۆمی.