نرخی زێڕ بەرزترین ئاستی لەم مانگەدا تۆمارکرد
هەولێر- نۆرس پرێس
ئەمڕۆ پێنچ شەممە، نرخی زێر لە هەرێمی کوردستان بەشێوەیەکی بەرچاو بەرزبووە، یەک ئۆنس گەیشتە 1962 دۆلار و یەک مسقاڵ زێڕی عەیار 18 بە 350 هەزار دینار مامەڵەی پێوە کراوە.
هەروەها مسقاڵێک زێڕی عەیار 21 بە 405 هەزار دینار و یەک لیرەش بە 430 دۆلار مامەڵەی پێوەدەکرێت.
نرخی بەکاربەرانی ئەمریکا لە مانگی حوزەیرانی ئەمساڵدا کەمێک بەرزبووە و کەمترین بەرزبونەوەی ساڵانەی تۆمارکرد لە ماوەی زیاتر لە دو ساڵدا، چونکە قەبارەی هەڵاوسان بەردەوام بووە لە دابەزین، بەڵام ڕەنگە ئەوەندە خێرا نەبێت کە بانکی فیدڕاڵی لە کۆتایی ئەم مانگەدا بەردەوام بێت لە بەرزکردنەوەی ڕێژەی سود.
ئەمڕۆ پێنجشەممە نرخی دۆلار بەڕێژەی 1% دابەزی و گەیشتە نزمترین ئاستی لە ماوەی زیاتر لە ساڵێکدا، دوای داتاکانی هەڵاوسانی ئەمەریکا کە ئەمەش وایکردووە زێڕ بۆ خاوەن دراوەکانی دیکە سەرنج ڕاکێشتر بێت.
بازرگانان گرەو لەسەر ئەوە دەکەن کە هەڵاوسان بە شێوەیەکی خێرا خاو دەبێتەوە کە ڕێگە بە بانکی ناوەندی ئەمەریکا دەدات کۆتایی بە توندکردنەوەی دراوی بهێنێت.
جێی ئاماژەیە نرخی بەرزبونەوەی ڕێژەی سود بۆ زێڕ لە ئەمریکا زۆر هەستیارە چونکە بەرزبونەوەی سود تێچوی دەرفەتی هەڵگرتنی کانزا بەنرخەکانی بێ بەرهەم زیاد دەکات.