سەڵاحەدین دەمیرتاش لەبارەی هەڵبژاردنی تورکیاوە پەیامێکی بڵاوکردەوە
هەولێر- نۆرس پرێس
سەڵاحەدین دەمیرتاش، هاوسەرۆکی پێشووتری پارتی دیموکراتی گەلان (هەدەپە) لە پەیامێکسدا بۆ کارمەندانی سەر سندوقی دەنگدان لە تورکیا و باکوری کوردستان، رایگەیاند، سندوقەکانی دەنگدان و بۆردەکانی هەڵبژاردن بەجێ مەهێڵن، و دەشڵێت، بەدڵنیاییەوە ئۆپۆزسیۆن لە پێشە و قۆناغی یەکەم کۆتایی دێت.
ئەمشەو سەڵاحەدین دەمیرتاش لە پەیامێکدا کە لە هەژماری تایبەتی خۆی لە تۆڕی کۆمەڵایەتی تویتەر بڵاویکردووەتەوە، ڕایگەیاند، هەرگیز سندوقەکانی دەنگدان و بۆردەکانی هەڵبژاردن بەجێ مەهێڵن، تەنانەت ئەگەر چەند ڕۆژێکیش بخایەنێت تا ئەنجامەکان یەکلایی دەبنەوە.
ئاماژەی بەوەشکرد، بەدڵنیاییەوە ئۆپۆزسیۆن لە پێشە و قۆناغی یەکەم کۆتایی دێت، دەنگەکانتان بپارێزن، هەمو تورکیا سەردەکەوێت.