لە گوندەوارەکانی ڕۆژهەڵاتی دەرعا دوو کەس کوژران و چەند کەسێکی دیکەش بریندار بوون
دەرعا – نۆرس پرێس
ڕۆژی دووشەممە، لە ئەنجامی شەڕی نێوان دوو بنەماڵەدا لە شاری حراک لە گوندەوارەکانی ڕۆژهەڵاتی دەرعا دوو کەس کوژران و چەند کەسێکی دیکەش برینداربوون.
سەرچاوە ناوخۆییەکان بە نۆرس پرێسیان ڕاگەیاندووە، دوو کەس لە بنەماڵەی زامیل کوژراون و دوو کەسیش لە بنەماڵەی سەلامات برینداربوون، ئەمەش لە ئەنجامی شەڕ و پێکدادانێکدا کە چەکی سووک تێیدا بەکارهێنراوە.
ئاماژەی بەوەشکرد، بریندارەکان گواستراونەتەوە بۆ نەخۆشخانەی نیشتمانی لە شاری ئەزرەع لە گوندەوارەکانی ڕۆژهەڵاتی دەرعا و باری تەندروستیان ناجێگیرە.
سەرچاوەکان باسیان لەوە کردووە، ئەو دوو خێزانە خەڵکی شاری حراک، هۆکاری کێشەکەش بۆ ناکۆکییەکی کۆنی نێوان ئەو دوو بنەماڵەیەدا دەگەڕێتەوە.
سەرچاوەکان ئاماژەیان بۆ ئەوە کردووە، ئەو شەڕ و پێکدادانە بووەتە هۆکاری ئەوەی کە زۆربەی دوکانەکان لە ترسی تەقەکان دابخرێن.
بەهۆی تێکچوونی بارۆدۆخی ئەمنی ناوچەکە، کۆشتن لە پارێزگای دەرعا لە زیادبووندایە، هێزە ئەمنیەکانی حکومەت چاودێریان بەسەر ناوچەکەدا نییە.