بۆردوومانێکی تورکیا گوندێکی رۆژئاوای مەنبیج دەکاتەئامانج
مەنبیج – نۆرس پرێس
ئەمڕۆ پێنجشەممە هێزەکانی تورکیا و گروپە دڵسۆزەکانیان ژمارەیەک گولە هاوەنیان بە ئاراستەی گوندێکی رۆژئاوای مەنبیج لە باکووری سوریا تەقاند.
سەرچاوەیەکی خۆجێیی بە نۆرس پرێسی راگەیاند، “هێزەکانی تورکیا گوندی کاوکلییان لە گوندەواری رۆژئاوای مەنبیج بە 4 گولە هاوەن بۆردومانکردووە.
ئەو سەرچاوەیە ئاماژەی بەوەشکرد، هێزەکانی تورکیا لە بنکەکەیانەوە کە لە گوندی شێخ ناسر جێگیر بووە، گوندەکەیان کردووەتە ئامانج.
بەپێی ئەو سەرچاوەیە، بۆردومانەکە هیچ زیانێکی ماددی و مرۆیی لێنەکەوتووەتەوە.
دوێنێ چوارشەممە، هێزەکانی تورکیا و گروپە دڵسۆزەکانیان گوندی تۆخاری گەورەیان لە گوندەواری باکووری مەنبیج، لە بنکەکەیانەوە کە لە گوندی شێخ ناسر جێگیر بووە، بە گولە هاوەن بۆردومان کرد.