داعش هێرش دەکاتە سەر باڵەخانەیەکی فەرمانگەی داواکاری گشتی بەڕێوبەرایەتی خۆسەر لە دێرەزوور

دێرەزوور – نۆرس پرێس

ئەمڕۆ دووشەممە هێزەکانی ئاسایشی رۆژئاوای كوردستان رایانگەیاند، شانەیەکی رێکخراوی دەوڵەتی ئیسلامی “داعش” باڵەخانەی داواکاری گشتیی بەڕێوبەرایەتی خۆسەری رۆژئاوای كوردستان لە شارۆچکەی بوسەیرەی رۆژهەڵاتی دێرەزوور کردە ئامانج.

لە بەیاننامەیەکدا رایگەیاندووە، ئێوارەی دوێنێ یەکشەممە، کۆمەڵێک چەكداری رێکخراوەکە بە ماتۆڕسکیل هاتبوون تەقەیان لە بینای داواکاری گشتی لە رۆژهەڵاتی دێرەزوور كرد.

ئاماژەی بەوەشکردووە، “هێزەکانمان دەستبەجێ چوونە شوێنی تەقەكردنەكە، و هێرشبەرەکانی هەڵاتن، بەبێ ئەوەی زیانێك لە هێرشەكەدا بكەوێتەوە”.

ئاماژەی بەوەشکردووە، هێزە ئەمنییەكان دەستیان بە لێکۆڵینەوە سەرەتاییەکان كردووە، و دەستیان بە گەڕان بەدوای هێرشبەران كردووە “.

داڕشتنەوەی: ئەحمەد عوسمان