ئیسرائیل كۆگای چەکیان لە سوریا بۆردومان دەكات
دەرعا – نۆرس پرێس
ئەمڕۆ یەکشەممە فڕۆکەکانی ئیسرائیل کۆگاکانی چەکیان لە یەکێک سەربازی سەر بە رژێمی پێشووی سوریا بۆردومان كرد.
سەرچاوەیەکی خۆجەیی بە نۆرس پرێسی راگەیاند، ” کۆگاکانی چەکی لیوای 15 لە نزیک شاری ئەنخل لە باکووری شاری دەرعا، لەلایەن فڕۆکە ئیسرائیلییەکانەوە بۆردومانكران”.
سەرچاوەکە ئاماژەی بەوەشکرد، “دەنگی بۆردومانەكە لە سەرتاسەری پارێزگاکە بیستراوە، و هیچ زیانێکی بە ناوچەکانی دەوروبەری شوێنە بەئامانجگیراوەكە نەبووە”.
فڕۆکە ئیسرائیلییەکان دوای رووخانی رژێمی ئەسەد چەندین شوێنی سەربازییان لە پارێزگای دەرعا كردۆتە ئامانج کە دیارترینیان بۆردومانی لیوای ١٣٣ بوو لە شارەكە.