سەرچاوە ئەمنییەکانی بۆ نۆرس پرێس سوپای عێراق نەچووەتە ناو خاکی سوریا
حەسەكە – چاپخانەی باکوور
ئەمڕۆ سێشەممە سەرچاوە عێراقییەكان بۆ نۆرس پرێس، ئەو هەواڵانەیان ڕەتکردەوە کە باسیان لەوە دەكرد سوپای عێراق چووتە ناو خاکی سوریا و دەستی بەسەر بنکەیەکی پۆلیسدا گرتووە.
لە تۆڕە كۆمەڵایەتییەكان هەواڵی ئەوە بڵاوكرایەوە کە پاسەوانی سنووری عێراق لە ناوچەی تەل كۆجەری سنووری نێوان هەردوو وڵات چوونەتە ناو خاکی سوریا، و دەستیان بەسەر بنکەیەکی پۆلیسدا گرتووە کە بە وتەی خۆیان هێزەکانی سوریای دیموکرات پێشتر چووبنە تاو بنكەكە.
سەرچاوە ئاسایشی عێراق راشیگەیاندووە، كە بەردەوام لە پەیوەندیدان لەگەڵ ئەفسەرانی پاسەوانی سنوور و ئەو ناوچەیەی لە شنگالەوە تا رابیعە کە هاوسنوورە لەگەڵ سووریا، هیچ گرژییەک تێیدا روینەداوە .
هێزەکانی سوریای دیموکرات تا کاتی ئامادەکردنی ئەم هەواڵە هیچ لێدوانێکیان لەسەر ئەم بابەتە نەداوە.