قامشلۆ.. ئامادەکاری بۆ ئەنجامدانی “کۆبوونەوەیەکی بەرفرەوانی کوردی لە سوریا” بۆ یەکخستنی داواکارییەکان لە دیمەشق
قامشلۆ – نۆرس پرێس
ئەمڕۆ شەممە لە کۆنگرەیەکی ڕۆژنامەوانی لە شاری قامشلۆی رۆژئاوای كوردستان، ڕاگەیاندنی دەستپێکردنی ئامادەکارییەکان بۆ ئەنجامدانی “کۆبوونەوەیەکی بەرفرەوانی کوردی” کە پارت و ڕێکخراو و کەسایەتییە سیاسییەکان لەخۆدەگرێت، راگەیندرا، بە گوتەی ڕێکخەرانی، ئامانجی یەکخستنی دیدگا کوردییەکان و داواکارییەکان لە سوریا.
ئامادەکارییەکان بۆ کۆبوونەوە بەرفرەوانەكە لەلایەن “کۆنگرەی نەتەوەیی کوردستان” کە لە ساڵی ١٩٩١ دامەزرا و خۆی بە ” دامەزراوەی كوردستان” ناساندووە راگەیێندرا، و هەوڵدەدات چەترێکی فراوان بێت بۆ هێز و ڕێکخراوە سیاسی و مەدەنییەکانی کوردستان.
لوقمان ئەحمەد، سیاسەتمەداری کورد و ئەندامی کۆنفرانسی کوردستان، بە نۆرس پرێسی ڕاگەیاند، کۆبوونەوەکەی کە بڕیارە ئەنجام بدرێت ئامانجی “داڕشتنی داخوازییە یەکگرتووەکانی کوردە بۆ ئەوەی دیدگایەکی ڕێککەوتوومان بۆ بێتە پێشەوە کە گوزارشت لە ماف و داخوازییەکانی گەلی کورد لە سوریا بكات”.
ئاماژەی بەوەشكرد، لە کۆبوونەوەکەدا گفتوگۆ لەسەر پێکهێنانی چەند لیژنەك دەكرێت، لەوانەش لیژنە دیپلۆماسی و سیاسییەکان کە کار بۆ نوێنەرایەتیکردنی گەلی کوردستان دەکەن و پەیوەندی لەگەڵ لایەنە پەیوەندیدارەکان لە ناوخۆ و دەرەوەی وڵات دەکەن.
ڕێکخەرانی کۆبوونەوەکە ئاماژەیان بەوە نەکرد کە دەرئەنجامی “کۆبوونەوەی بەرفرەوانی کوردی” دەگەیەنرێتە کام لایەن.
لە ڕاگەیەندراوێکی نووسراویدا، داوا لە لایەنە سیاسییەکان و هێز و کەسایەتییە سەربەخۆکان کراوە بەشداری کۆبوونەوەکە بکەن، بەڵام وادەی بەڕێوەچوونی دیاری نەکردووە.