وەزارەتی دەرەوەی ئەمریکا بۆ نۆرس پرێس: هیوادارین گفتوگۆ لە نێوان دیمەشق و هێزەکانی سوریای دیموکرات دەستپێبکات
دیمەشق – نۆرس پرێس
ڕۆژی هەینی وەزارەتی دەرەوەی ئەمریکا رایگەیاند، هیواخوازین لە چەند ڕۆژی داهاتوودا گفتوگۆی نێوان دیمەشق و هێزەکانی سوریای دیموکرات دەستپێبکات.
دوێنێ شاندێکی دیپلۆماسی ئەمریکی گەیشتە دیمەشقی پایتەختی سوریا بۆ گفتوگۆکردن لەگەڵ سەرکردایەتی نوێی سوریا.
وەزارەتی دەرەوەی ئەمریکا چەند کاتژمێرێک دوای سەردانی وەفدەكەی بۆ دیمەشق، وردەكاری سەردانەكە و كۆبوونەوەكان و وردەكارییەكانی بۆ نۆرس پرێس ئاشكراكرد.
وەزارەتی دەرەوەی ئەمریکا بە نۆرس پرێسی ڕاگەیاندووە، “لەگەڵ هاوبەشە کوردەکانمان و تورکیا لە گفتوگۆداین بۆ پشتیوانیکردن لە پرۆسەی دیالۆگ.
ئاماژەی بەوەشکرد، هاوبەشە کوردەکانمان زۆر بەتوانا بوون و هاوبەشی یەکلاکەرەوە بوون لە شەڕی داعشدا.
ئاماژەی بەوەشکرد، کورد لە ڕۆژئاوای کوردستان توانییان خۆیان ڕێکبخەن و بەرگری لە خۆیان بکەن، هاوکات نیگەرانی خۆیانی دەربڕی لە پێشهاتەكانی نزیک بەنداوی تیشرین لە سوریا.