بۆمبێكی چێندراو بە هێزێكی پێشمەرگەدا تەقییەوە و دوو ئەفسەر و پێشمه‌رگه‌یه‌ك شه‌هیدبوون
هەولێر – نۆرس پرێس
بەیانیی ئەمڕۆ یەکشەممە، لە سنووری گوندی پەلکانە لە خورماتوو، بۆمبێكی چێندراو بە هێزێكی لیوای هاوبەشی پێشمەرگەد تەقییەوە و به‌هۆیه‌وه دوو ئەفسەر و پێشمه‌رگه‌یه‌ك شه‌هیدبوون.
وەزارەتی پێشمەرگە رایگەیاند، بە داخەوە،ئەمڕۆ ١٧ی تشرینی دووەمی ٢٠٢٤ کاتژمێر (٠٩٠٠) لە سنوری خورماتوو، بۆمبێکی چێندراو بە کاروانی ئۆتۆمبیلەکانی فەرماندەی فەوجی٣ی لیوای ١ی هاوبەشی پێشمەرگە و سوپای عێراق تەقیەوە، لەئەنجامدا فەرماندەی فەوج و عقید ئەفسەری ئەندازەی فیرقەی ٩ی سوپای عێراق و پێشمەرگەیەك شەهید بوون، هەروەها سێ سەربازیش برینداربوون.
وەزارەتی پێشمەرگە ئاماژەی بەوەشكرد، ڕووداوەکە لە ئەنجامی کێوماڵکردنی ناوچەیەکی بەرفراوانی ئاسایشی هاوبەش بووە.