تورکیا لە قامشلۆی رۆژئاوای كوردستان دایك و كوڕێك دەکاتە ئامانج
قامشلۆ – نۆرس پرێس
ئەمڕۆ چوارشەممە، توركیا هێرشی كردە سەر گەڕەكی عەنتەرییە لە شاری قامشلۆی رۆژئاوای كوردستان، و دایك و كوڕێكی بە فڕۆكەی بێ فڕۆكەوان بۆردوومانكرد.
پەیامنێرێکی نۆرس پرێس لە زاری سەرچاوەیەکی ئەمنی لە شوێنی بۆردوومانەكە ڕایگەیاند، “فڕۆکەیەکی بێفڕۆکەوانی تورکیا ئۆتۆمبێلێکی لە نزیک نەخۆشخانەی دڵ و چاو لە شاری قامشلۆی رۆژئاوای كوردستان کردە ئامانج”.
یەکشەممەی ڕابردوو تورکیا و میلیشیاكانی ئەنقەرە گوندەکانی گوندەواری باكوری حەسەكەی رۆژئاوای كوردستانیان بۆردومانگرد.
بەگوێرەی ئەو سەرچاوەیە، “لە ئەنجامی بۆردوومانەكە ژنێک و کوڕەکەی گیانیان لەدەستد” .
هێزەکانی ئاسایشی رۆژئاوای كوردستان، تا ئێستا هیچ لێدوانێکیان لەسەر ئەو ڕووداوە نەداوە.
هەفتەی ڕابردوو، بەڕێوبەرایەتی خۆسەری لە رۆژئاوای كوردستان ڕایگەیاند، هێرشەكانی تورکیا، ناوچەکە بەرەو “جەنگێكی كراوە” دەبات.