سەرۆککۆماری نوێی ئێران بۆ كابینەكەی متمانەی پەرلەمانی بەدەستهێنا
هەولێر – پرێس پرێس
ئەمڕۆ چوارشەممە،، کابینەکەی مەسعود پزیشکیان، سەرۆککۆماری نوێی ئێران لە پەرلەمانی ئەو وڵاتە متمانەی پێدرا، و تیایدا 19 وەزیر توانییان متمانەی زۆرینەى پەرلەمانتاران بەدەستبهێنن.
دانیشتنەکەی پەرلەمانى ئێران بە سەرۆکایەتیی محەمەد باقر قاڵیباف و بە ئامادەبوونی مەسعود پزیشکیان و 285 پەرلەمانتار لە کۆی 290 ئەندام دەستیپێکرد.
مەسعود پزیشکیان لە گۆتارێکدا رایگەیاند، کابینەکەی سیمبوڵی یەکگرتوویی و رێککەوتنە لەگەڵ هەموو لایەنەکان و جەختی لەوەکردەوە، وەزیرەکان بە راوێژ لەگەل عەلی خامنەیی، رێبەری کۆماری ئیسلامی ئێران دەستنیشان کراون.
لیستی ناوی وەزیرانی کابینەکەی مەسعود پزیشکیان:
- وەزیری پەروەردە: عەلیرەزا کازمی
- وەزیری پەیوەندییەکان: ستار هاشمی
- وەزیری ئیتڵاعات: ئیسماعیل خەتیب
- وەزیری ئابووری: عەبدولناسر هیممەتی
- وەزیری دەرەوە: عەباس عێراقچی
- وەزیری تەندروستی: محەمەد رەزا زەفەرقەندی
- وەزیری کار و چاودێریی کۆمەڵایەتی: ئەحمەد میدری
- وەزیری کشتوکاڵ: غوڵامڕەزا نوری
- وەزیری داد: ئەمین حسێن رەحیمی
- وەزیری بەرگریی و هێزەچەکدارەکان: عەزیز نەسیرزادە
- وەزیری رێگاوبان و گەشەپێدانی شارەکان: فەرزانە سادق
- وەزیری زانست و تەکنەلۆجیا: حوسێن سیمایی
- وەزیری فەرهەنگ و ئیرشادی ئیسلامی: عەباس ساڵحی
- وەزیری ناوخۆ: ئەسکەندەر موئمینی
- وەزیری پیشەسازیی و بازرگانی: محەمەد ئەتابەک
- وەزیری میراتی کولتوور و گەشتوگوزار: رەزا ساڵحی ئەمیری
- وەزیری نەوت: موحسین پاکنەژاد
- وەزیری وزە: عەباس عەلی ئابادی
- وەزیری وەرزش و لاوان: ئەحمەد دونیامالی