ئۆتۆمبێلێک لە شاری ئەعزاز تەقییەوە.
گوندەواری حەلەب – نۆرس پرێس
ئەمڕۆ چوارشەممە، بەهۆی تەقینەوەی ئۆتۆمبێلێکی بۆمبڕێژکراو لە خاڵێکی پشکنینی شاری ئەعزاز لە باکوری گوندەواری حەلەب، سێ کەس گیانیان لەدەستدا و ١٠كەسی دیکەش برینداربوون.
پەیامنێرێکی نۆرس پرێس رایگەیاند، “ بارهەڵگرێک لە بازگەیەکی پۆلیسی سەربازی “جەیش وەتەنی” سەر بە توركیا لە شاری ئەعزاز تەقیوەتەوە”.
ئاماژەی بەوەشکرد، تەقینەوەکە بەهۆی بۆمبێكی چێندراوبوو لەناو بارهەڵگرەکەدا، و بەهۆیەوە سێ کەس گیانیان لەدەستداوە و 10 كەسیش برینداربوون.
سەرچاوەکە ئاماژەی بەوەشکرد، تیمەکانی ئەمبولانس بریندارەكانیان كواستەوە نەخۆشخانە، هاوکات میلیشیاكانی سەر بە توركیا، رێگای لەنێوان شارەکانی ئەعزاز و عەفرین داخست.