وەزارەتی دەرەوەی سوریا بە تویتێک وەڵامی بۆردومانەکەی ئیسرائیل دەداتەوە
دیمەشق – نۆرس پرێس
دوێنێ، چوارشه‌ممه، وه‌زاره‌تی ده‌ره‌وه‌ی سووریا به‌ئامانجگرتنی به‌رده‌وامی دامه‌زراوه مه‌ده‌نییه‌كانی لە لایەن ئیسرائیلیەوە سەرکۆنە كرد و په‌ره‌سه‌ندنی ئه‌م دواییه‌ی ئیسرائیلی به هه‌ڕه‌شه بۆ سه‌ر ئاشتی و ئاسایشی مه‌ده‌نی له ناوچه‌كه‌دا ناوبرد.
وەزارەتی دەرەوە لە تویتێکدا لە رێگەی هەژماری تایبەتی خۆی لە تۆڕی کۆمەڵایەتی تویتەر رایگەیاندووە، “دوبارەبوونەوەی هێرشەکانی ئیسرائیل، بەتایبەتی بەئامانجکردنی سیستماتیک و بە ئەنقەستی دامودەزگا مەدەنیەکان لە سوریا، کە دوایینیان فڕۆکەخانەی نێودەوڵەتی حەڵەب بوو، بەپێی یاسا نێودەوڵەتییەکان بە دەستدرێژی و تاوانی جەنگ هەژمار دەکرێت “.
وەزارەتی دەرەوە جه ختی لە پێویستی لێپرسینەوەی ئەم هێرشانەی دوایی ئیسرائیل کردەوە.
پەرەسەندنی ئەم دواییەی ئیسرائیلی بە مەترسی بۆ سەر ئاشتی و ئاسایشی ناوچەکە زانیوە و ژیانی هاوڵاتیانی مەدەنی دەخاتە مەترسییەوە و سەلامەتی فڕۆکەوانی مەدەنی لە سوریا و ناوچەکە دەخاتە مەترسییەوە.
ئاماژەی بەوەشکردووە، سوریا مافی ڕەوای خۆی بۆ بەرگریکردن لە خۆی بەکاردەهێنێت بە هەموو ڕێگەیەکی پێویست و شیاو بۆ دەستەبەرکردنی لێپرسینەوە لە ئیسرائیل.
لە کاتێکی پێشتری ئەمڕۆشدا، فەیسەڵ میقداد وەزیری دەرەوەی سووریا رەخنەی لە بێدەنگیی کۆمەڵگای نێودەوڵەتی و عەرەبی گرت سەبارەت بە بۆردومانی دووبارەی ئیسرائیل بۆ سەر سوریا.
دوای چەند ڕۆژێک لە نۆژەنکردنەوە و چوونە بواری جێبەجێکردنەوە، هەفتەی ڕابردوو، هێرشێکی مووشەکی فڕۆکەخانەی نێودەوڵەتی حەڵەبی کردە ئامانج و شەوی سێشەممەش دووهەم هێرشی ئیسرائیل بۆ سەر هەمان فڕۆکەخانە ئەنجامدرا و بووە هۆی ئەوەی فڕۆکەخانەکە لە کار بوەستێت.
پێرێ سێشەممە، وەزارەتی گواستنەوەی سوریا گواستنەوەی گەشتە بەرنامەبۆداڕێژراوەکانی فڕۆکەخانەی نێودەوڵەتی حەڵەبی بۆ فڕۆکەخانەی نێودەوڵەتی دیمەشق گواستەوە.