داعش باس لە بەئامانجگرتنی ئۆتۆمبێلێکی سەربازیی هەسەدە دەکات لە دێرەزوور
دێرەزوور- نۆرس پرێس
دوێنێ، پێگەیەكی ئەلیكترۆنی سەر بە ڕێکخراوی تیرۆریستی (داعش) رایگەیاند، ئەندامانی ڕێکخراوەكە ئۆتۆمبێلێکی سەربازیی هێزەکانی سوریای دیموکراتیان لە گوندەواری دێرەزوور لە ڕۆژهەڵاتی سوریا کردووەتە ئامانج.
پێگەی ئەعماقی سەر بە داعش ئاماژەی بەوەداوە ئەندامانی رێكخراوی تیرۆریستی داعش ئۆتۆمبێلێکی سەربازیی هێزەكانی سووریای دیموكراتیان کردووەتە ئامانج لەسەر ڕێگای سەرەکی شارۆچکەی حەسان لە گوندەواری ڕۆژئاوای دێرەزوور.
ئەوەیشی خستووەتەڕوو لەئەنجامی هێرشەکەدا، چەکدارێکی سەر بە هێزەکانی سوریای دیموکرات برینداربووە، بەڵام تا ئێستا هەسەدە هیچ لێدوانێکی لەسەر ڕووداوەکە نەداوە.