لە ئیدلب و گوندەواری حەلەب خۆپیشاندان دژی دەستەی تەحریر شام سەركردەكەی بەڕێوەچوو
ئیدلب – نۆرس پرێس
ئەمڕۆ هەینی، چەند ناوچەیەک لە ئیدلب و گوندەواری حەلەب لە باکووری ڕۆژئاوای سوریا، خۆپیشاندان دژی دەستەی تەحریر شام ” بەرەی نوسرە”ی پێشوو و سەرکردەکەی “ئەبو محەمەد ئەلجۆلانی” بەڕێوەچوو.
پەیامنێری نۆرس پرێس رایگەیاند، سەدان کەس لە دوای نوێژی هەینی لە شاری ئیدلب و شاری بنیش و شاری ئەتاریب لە ڕۆژئاوای حەلەب خۆپیشاندانیان دژی دەستەی تەحریر شام ئەنجامدا.
ئاماژەی بەوەشکرد، خۆپیشاندەران دروشمی جۆراوجۆریان بەرزکردەوە و داوای ڕووخانی دەستەی تەحریر شام و ڕۆیشتنی سەرکردەکەی “ئەلجۆلانی”یان کرد، جگە لەوەی داوای ئازادکردنی دەستگیرکراوانی ناو زیندانەكانی تەحریر ئەلشامیان دەکرد.
روونیشی کردەوە، ئەم یەكەم خۆپیشاندان و جوڵانەوەی لەم جۆرەیە دژ بە دەستەی تەحریر شامە لە ناوچەكە بەڕێوەبچێت.