بەهۆی بۆردوومانێکی ئێرانەوە لە دێرەزوور زیان بەر هێزەکانی سوریای دیموکرات دەکەوێت
دێرەزوور – نۆرس پرێس
بەرەبەیانی ئەمڕۆ دووشەممە، بەهۆی بۆردومانی فڕۆکەی بێفڕۆکەوانەوە، کە بنکەی هاوپەیمانی نێودەوڵەتیی کردە ئامانج لە کێڵگەی نەوتی عومەر، لە رۆژهەڵاتی دێرەزوور، پێنج ئەندامی هێزەکانی سوریای دیموکرات (هەسەدە) گیانیان لەدەستدا و ژمارەیەکی دیکەش برینداربوون.
ئەم ڕووداوە کە بە یەکەم رووداوی لەم جۆرە دادەنرێت، لە چوارچێوەی زنجیرەیەک هێرشدایە، لەلایەن میلیشیا لایەنگرەکانی ئێرانەوە بۆ سەر بنکەکانی هاوپەیمانی نێودەوڵەتی لە سووریا و عێراق ئەنجامدەدرێن
سەرچاوەیەکی سەربازی کە لەگەڵ هاوپەیمانی نێودەوڵه تی کاردەکات به نۆرس پرێسی راگەیاند، پێنج چەکداری هێزەکانی “هەسەدە” گیانیان له دەستداوە، دوای ئه وەی کێڵگەی عومەر، له لایه ن درۆنێکی ئێرانیەوه کراوەتە ئامانج.
گوتیشی، بەهۆی بەئامانجگرتنەکەوە 14 ئەندامی دیکە له ریزەکانی هێزە سەربازییەکان برینداربوون و هەندێکیان باری تەندروستییان سەخته .
ئەو سەرچاوەیە هیچ زانیارییەکی لەسەر بوونی قوربانی لە نێو ریزەکانی هاوپەیماناندا بەهۆی بۆردوومانەکەوە نەخستەڕوو.