داعش بەئامانجگرتنی دوو ئەندامی ئاسایش لە دێره‌زوور راده‌گه‌ینێت
دێره‌زوور – نۆرس پرێس
دوێنێ شەممە، لاپه‌ڕه نزیكه‌كان له ده‌وڵه‌تی ئیسلامی داعش له ئینته‌رنێت رایانگه‌یاند، چه‌كداره‌كانیان دوو ئەندامی هێزەکانی ئاسایشی رۆژئاوای كوردستانیان لە شارۆچکەیه‌كی دێره‌زووری ڕۆژهەڵاتی سوریا كردۆته ئامانج.
ئاژانسی ئەلیکترۆنی “ئه‌عماق”ی نزیکە لة داعش، رایگه‌یاند، چه‌كدارانی رێكخراوه‌كه، ته‌قه‌یان له دوو ئەندامی “ئاسایشی رۆژئاوای كوردستان” كردووه لە شارۆچکەی ئەبو حەردوبی ناوچەی زیبان.
ئاماژەی بەوەشکرد، له به‌ئامانجگرتنه‌كه‌دا دوو ئەندامی ئاسایش کوژران، هاوکات سەرچاوەیەکی ئەمنی لە ئاسایش ڕایگەیاند، له هێرشه‌كه‌دا دوو ئەندام كراونه‌ته ئامانج، و یەکێکیان گیانی لەدەستداوە و ئه‌وه‌ی دیكه برینداربوو، و ئێستا تەندروستی باشە و له نه‌خۆشخانه چارەسەر وه‌رده‌گرێت.