بەهۆی بۆردوومانی تورکیاوە وێستگەکانی کارەبا لە رۆژئاڤا لە کار کەوتوون
قامشلۆ – نۆرس پرێس
بەهۆی بۆردومانەکانی تورکیاوە بۆ سەریان لە ماوەی 24 کاتژمێری رابردوودا، حەوت وێستگەی کارەبا لە رۆژئاوای کوردستان لە کار کەوتوون.
بۆردومانەکانی تورکیا دووجار وێستگەی شاری کۆبانێیان کردە ئامانج و بەهۆیەوە کارەبای ئەو شارە و 400 گوندی سەر بە کۆبانێ پچڕان.
فڕۆکەیەکی تورکیا وێستگەی گواستنەوەی کارەبای لە عەین عیسا لە گوندەواری رەققە بۆردوومان کرد و بەهۆیەوە کارەبای ئەو وێستگەیە و 150 گوندی سەر بەوێ پچڕان.
بە گوتەی بەشی راگەیاندنی بەڕێوبەریی خۆسەریی، لە قامشلۆ بۆردومانەکەی تورکیا بۆ سەر وێستگەی کارەبا بووە هۆی ئەوەی کارەبای زیاتر لە سەدا 60ی شارەکە و گوندەوارەکانی رۆژهەڵات ببڕدرێت.
لە عامودێ بۆردومانەکە بووە هۆی پچڕانی کارەبا لە شارەکە و 90 گوند و لە ترپەسپیش بووە هۆی پچڕانی کارەبا لە شارەکە و 190 گوندی دەورووبەری.
درباسیەش لە باکووری حەسەکە بەهەمان شێوە بەر بۆردومانی تورکیا کەوتووەت و بەهۆیەوە زیان بە وێستگەی کارەبای شارەکە گەشت و کارەبای پچڕا.
لە کاتژمێرکانی درەنگانی ئەمشەودا، تورکیا وێستگەی غازی سوەیدییەی لە گوندەواری دێریک بۆردومان کرد، کە وزە بۆ دەیان وێستگەی گواستنەوەی کارەبای دابین دەکات.