“هەسەدە” دەستی بەسەر ژمارەیەک چەک و تەقەمەنیدا گرت لە گوندی حەسەکە
حەسەکە – نۆرس پرێس
درەنگانی شه‌وی ڕابردوو، هێزەکانی سوریای دیموکرات ڕایانگەیاند، كه ده‌ستیان به‌سه‌ر بڕێک چەک و تەقەمەنی گرتووه لە گونده‌واری شارۆچکەی شەدادی باشووری حەسەکەی ڕۆژئاوای كوردستان.
پێشتریش هێزه‌كانی “هه‌سه‌ده”، سەکۆییه‌كی هەڵدانی مووشەکیان لە گونده‌واری شارۆچکەی شەدادی دۆزیبۆوه، کە له‌لایه‌ن میلیشیاكانی ئێرانه‌وه ئاماده‌كرا بوو بۆ بۆردومان كردنی خه‌ڵكی رۆژئاوای كوردستان و بنكه‌كانی ئه‌مریكا له ناوچه‌كه.
“هه‌سه‌ده” لە به‌یاننامه‌یه‌كدا رایگه‌یاند، ده‌ستیان به‌سه‌ر بڕێك له چه‌ك و ته‌قه‌مه‌نیدا گرتووه، لە گوندی “عه‌لووس”ی گونده‌واری شەدادی، “گرووپە تیرۆریستییەکان بۆ به‌ئامانجگرتنی خه‌ڵكی مه‌ده‌نی و خاڵه سه‌ربازییه‌كانمان ئاماده‌یان كردبوو.