عوبەیدوڵڵا قادری شێخی ته‌ریقه‌تی قادری، لە تەمەنی 80 ساڵی کۆچی دوایی کرد
ئەمڕۆ دووشەممە شێخی ته‌ریقه‌تی قادری عوبەیدوڵڵا قادری، بە نەخۆشی لە ناحیەی عامودێی گونده‌واری قامشلۆی رۆژئاوای كوردستان، لە تەمەنی 80 ساڵیدا کۆچی دوایی کرد.
شێخ عوبەیدوڵڵا قادری لە ساڵی 1944 لە ناحیەی عامودێ لەدایک بووە و هه‌ر له‌و شاره گەورە بووە و ژیانی بەسەر بردووە. ناوبراو ژیانی خۆی تەرخان کردبوو بۆ خزمەتکردنی رێبازی سۆفیگەری .
بەپێی ئەو زانیاریانه‌ی لەلایەن بنەماڵەکەیەوە بڵاوکراوەتەوە بڕیاره ته‌رمی شێخی قادری سبەی سێشەممە بەخاک بسپێردرێت. ئامادەکردن و داڕشتنه‌وه‌ی: سەعد یازیچی