“هەسەدە” ئاماری ئۆپەراسیۆنە ئەمنییەکانی دژی “داعش” لە ماوەی ساڵی 2023 ئاشکرا دەکات
قامشلۆ – نۆرس پرێس
ئەمڕۆ هێزەکانی سوریای دیموکرات دەرئەنجامی ئۆپەراسیۆنە ئەمنییەکانی لە دژی رێكخراوی تیرۆریستی (داعش) لە ماوەی ساڵی 2023 ئاشکرا کرد و ژمارەکەش بە گشتی گەیشتووەتە 73 ئۆپەراسیۆنی ئەمنی.
هەسەدە لە ڕاگەیەندراوێكدا ئاماژەی بەوەكردووە، لە كۆی ئەو 73 ئۆپەراسیۆنە، سێ ئۆپەراسیۆنی بەرفراوانیان تێدایە و تەواوی ئۆپەراسیۆنەکانیش بە پاڵپشتی و هەماهەنگی لەگەڵ هێزەکانی هاوپەیمانی نێودەوڵەتی ئەنجام دراوە.
ئەوەش خراوەتەڕوو ژمارەی ئەو ئەندامانەی داعش کە لەو ئۆپەراسیۆنانەدا دەستگیرکراون 352 ئەندام بوون و شەشە ئەمیری ڕێکخراوەکەش دەستگیرکراون، هەروەها ژمارەی ئەو ئەندامانەی لە ئەنجامی ئەو ئۆپەراسیۆنانەدا کوژراون گەیشتووەتە 12 کەس، لەنێویاندا چوار سەرکردەی مەترسیدار.
هەسەدە راشیدەگەیەنێت ئەم ئۆپەراسیۆنانە لە ناوچە جیاوازەکانی رۆژئاوای كوردستان ئەنجامدراون.