“ئاسایشی رۆژئاڤا” دوو ئەندامی “داعش” دەستگیر دەکات
رەققە – نۆرس پرێس
ئەمڕۆ دووشەممە، هێزەکانی ئاسایشی رۆژئاڤا، دوو ئەندامی شانەکانی داعشیان لە باکووری دێرەزوور لە رۆژهەڵاتی سووریا دەستگیرکرد.
لە 19ی تشرینی یەکەمدا، هێزەکانی ئاسایشی رۆژئاڤا دەستگیرکردنی شەش ئەندامی داعشیان لە گوندەواری رۆژهەڵاتی دێرەزوور راگەیاند.
ناوەندی راگەیاندنی ئاسایشی رۆژئاڤا رایگەیاند، لە بەرەبەیانی دوێنێ یەکشەممەدا، هێزە تایبەتەکانی (H.A.T) دوو ئەندامی شانەکانی داعشیان لە باکووری دێرەزوور دەستگیرکردووە.
ئاماژەیان بەوەشکردووە، “دوای ئۆپەراسیۆنەکانی چاودێریکردن و بەدواداچوون و لێپێچینەوە” ئەو دوو ئەندامەی داعش کراونەتە ئامانج و بە پشتیوانی هاوپەیمانی نێودەوڵەتی توانراوە دەستگیر بکرێن.