ئاسایشی رۆژئاڤا برینداربوونی ئەندامێکیان راگەیاند
حەسەکە – نۆرس پرێس
ئێوارەی دوێنێ یەکشەممە، هێزەکانی ئاسایشی ناوخۆ (ئاسایشی رۆژئاڤا) رایانگەیاند، بەهۆی بەئامانجگرتنی ئۆتۆمبێلەکەیانەوە، لەسەر رێگای نێوان شارۆچکەی هۆل و حەسەکە لە رۆژئاوای کوردستان، یەکێک لە ئەندامەکانیان بریندار بووە.
ناوەندی راگەیاندنی ئاسایشی رۆژئاڤا لە راگەیەندراوێکدا ئاماژەیان بەوەکردووە، دوێنێ یەکشەممە، یەکێک لە ئۆتۆمبێلەکەیان بە چەکی کڵاشینکۆف لەسەر رێگای نێوان شارۆچکەی هۆل و تل بوراک کراوەتە ئامانج.
بە ئامانجگرتنەکە بووەتە هۆی ئەوەی ئەندامێکی ئاساییش بریندار بێت و گواسترایەوە بۆ نەخۆشخانە بۆ وەرگرتنی چارەسەر.
بە گوێرەی راگەێنراوەکە، دەزگای ئاسایشی گشتی رۆژئاڤا دەستیکردووە بە لێکۆڵینەوەیەکی فراوان و ئاشکراکردنی شوێنی بەئامانجکردنەکە، بەمەبەستی دەستنیشانکردنی تاوانباران و پێشکەشکردنیان بە دەسەڵاتی دادوەری. ئامادەکردن و داڕشتنەوەی : رووبین عومەر