چەند تیرۆریستێکی داعش لە بەغدا دەستگیر کران
هەولێر-نۆرس پرێس
لەنێو شاری بەغدا، پایتەختی عێراق، چەند تیروریستێکی داعش دەستگیر کران.
دەزگای هەواڵگریی عێراق، لە ڕاگەیەندراوێكدا ڕایگەیاندووە: “بە پشتبەستن بە زانیارییە هەواڵگرییە دروستەكان سەبارەت بە بوونی سێ تیرۆریست لەنێو بەغدا، دەستبەجێ تیمێكی كاری هەواڵگری لەلایەن مەفرەزەكانی هەواڵگریی بەغدا، رەسافە، پێك هێنرا و لە بۆسەیەكدا دەستگیر كران.”
ئاماژەی بەوەش كردووە: “تیرۆریستەکان دانیان بەوەدا ناوە كە ئەندام بوون لە ڕیزی چەتەكانی داعشدا و بەشدارییان لە چەند ئۆپەراسیۆنێکی تیرۆریستیدا کردووە.”
دەزگاکە ڕوونیشی کردووەتەوە کە ئەو کەسانە ڕەوانەی دەسەڵاتی دادوەری کراون بۆ وەرگرتنی سزای خۆیان.