“هەسەدە” لێبووردن بۆ دەستگیرکراوانی رووداوە گێرەشێوێنییەکەی دێرەزوور دەردەکات
حەسەکە – نۆرس پرێس
ئێوارەی دوێنێ پێنجشەممە، هێزەکانی سوریای دیموکرات لێبوردنی گشتی بۆ دەستگیرکراوەکانی رووداوە گێرەشێوێنییەکەی ئەم دواییەی دێرەزوور لە رۆژئاوای کوردستان، راگەیاند.
دوێنێ چوارشەممە، “هەسەدە” کۆنترۆڵی خۆی بەسەر شارۆچکە و گوندەکانی گوندەکانی رۆژهەڵاتی دێرەزووردا راگەیاند، دوای ئەوەی بۆ ماوەی دوو هەفتە لەگەڵ چەکدارانی چەکدارانی سەر بە دیمەشق و تاراندا کەوتنە نێو پێکدادان و جەنگەوە.
مەزلوم عەبدی، فەرماندەی گشتیی هێزەکانی سوریای دیموکرات “هەسەدە” لە تۆڕی ئێکس رایگەیاند، کە بڕیاری لێبوردنەکە لەسەر داوای سەرۆکهۆز و کەسایەتییە ناودارەکانی هۆزەکانی ناوچەکە هاتووە.
راشیگەیاند کە “هەسەدە” سەرۆکهۆزەکانی راسپاردووە بۆ پەیوەندیکردن لەگەڵ ئیبراهیم ئەلهەفل بۆ گەڕانەوەی بۆ دێرەزوور.
پێشتر هێزەکانی سوریای دیموکرات رایگەیاندبوو کە ئەلهەفل سەرکردەی ئاژاوەگێڕەکان بوو و لای ئەوان داواکراوە.
فەرماندەی “هەسەدە” پابەندبوونیانی بە دۆزینەوەی چارەسەرێک بۆ کێشەکانی دێرەزوور لە رێگەی دیالۆگەوە دەربڕی و گوتی ” دەبێت ئاشتی و سەقامگیری و گەشەپێدان ئامانجی کۆتاییمان بێت”.
مەزلوم عەبدی داوای لە دانیشتوانی ناوچەکە کرد “وریا بن و خۆیان بەدووربگرن لە کێشکردنیان بۆ ناو ئاژاوەگێڕی و رەگەزپەرستی”.