هه‌ڵبژارده‌ی عێراق گه‌یشته یاریی كۆتایی
ژوری وەرزشی – نۆرس پرێس
هه‌ڵبژارده‌ی عێراق به زه‌حمه‌ت له هه‌ڵبژارده‌ی هیندی برده‌وه له یارییه‌كانی پاڵه‌وانیه‌تیی دۆستانه‌ی تایلاند و گه‌یشته یاریی كۆتایی.
ئه‌مڕۆ ئێواره له تایلاند له یاریی پێش كۆتایی جامی شای تایلاند، هه‌ڵبژارده‌ی عێراق به 5-4 گۆڵ له هه‌ڵبژارده‌ی هیندی برده‌وه، به‌مه‌ش گه‌یشته یاریی كۆتایی پاڵه‌وانیه‌تییه‌كه، كه چوارقۆڵی و دۆستانه‌یه.
یارییه‌كه له كاتی ئاساییدا به 2-2 گۆڵ كۆتایی هات و دواتر به لێدانه‌كانی په‌ناڵتی عێراق بردییه‌وه و بلیتی یاریی كۆتایی به‌ده‌ستهێنا.