کارەساتێک باشووری ئەفریقای هەژاند، ئاگرێک بووە هۆی گیان لەدەستدانی دەیان کەس

هەولێر – نۆرس پرێس

ئەمرۆ پێنجشەممە، دەزگای فریاکەوتنی ئەفریقا رایگەیاند، بەهۆی ئاگرکەوتنەوە لە باڵەخانەیەکی چەند نهۆمی لە شاری جۆهانسبێرگ کە گەورەترین شاری ئەفریقای باشوورە، لانیکەم 58 کەس گیانیانلەدەستداوە.

رۆبەرت مولۆدزی وتەبێژی فریاکەوتنی فریاکەوتن رایگەیاند، بەهۆی ئاگرەکەوە 43 کەسی دیکە برینداربوون، کە لە کاتژمێرەکانی پێش بەیانی روویدا، ئاماژەی بەوەشکرد، ئەگەری هەیە ژمارەی کوژراوان بەرزبێتەوە.

ناوبراو ئاماژەی بەوەشکرد، ئۆپەراسیۆنی گەران بەردەوامە و تیمەکانی ئاگرکوژێنەوە بەناو بیناکەدا دەگەڕێن

ئاماژەی بەوەشکرد، تیمەکە تا ئێستا 58 تەرمیان دەرهێناوەتەوە، ئەمەش ئاماژەیە بۆ ئەوەی رەنگە خەڵکی زیاتر لەناوەوە گیریان خواردبێت و  منداڵێکیش لەنێو ئەو کەسانەدا بووە کە گیانیان لەدەستداوە.

دەسەڵاتدارانی ئەفریقای باشوور ئاماژەیان بەوەشکردووە، ئاگرەکە تارادەیەکی زۆر کوژاوەتەوە، بەڵام هێشتا دوکەڵ لە پەنجەرەی ئەو بینایەوە دێتە دەرەوە کە لە ناوەندی شارەکەدا رەش بووەتەوە.

مولاودزی وتی بیناکە لە راستیدا “نیشتەجێبوونێکی نافەرمی” بووە کە خەڵکی بێ ماڵ و حاڵ بەبێ هیچ رێکەوتنێکی فەرمی بۆ کرێی خانوو بەدوای خانووبەرەدا دەرۆن. وتی ئەوەش وایکردووە پشکنینی بیناکە قورس بێت.

شایەتحاڵەکان رایانگەیاندووە کە 200 کەس لەو بینایەدا ژیاون.