جەندرمەی تورکیا دەستدرێژی دەکاتە سەر کۆچبەرانی سوریا لە گوندەواری عەفرین
عەفرین– نۆرس پرێس
ئێوارەی دوێنێ دووشەممە، جەندرمەی تورکیا هێرشی کردە سەر چەند کۆچبەرێکی سوریا لە کاتێکدا کە هەوڵیان دەدا سنووری سوریا و تورکیا لە گوەندەواری عەفرین لە باکووری شاری حەڵەب ببەزێنن.
سەرچاوە خۆجێییەکانی ناوچەکە بە نۆرس پرێسیان راگەیاند، ئێوارەی دوێنێ جەندرمەی تورکیا لە کاتی هەوڵدان بۆ بەزاندنی سنووری سوریا و تورکیا لە نزیک گوندی دێرساوان لە باکووری رۆژهەڵاتی عەفرین لە گوندەواری شاری حەڵەب، بە توندی دەستدرێژییان کردووەتە سەر 13 کۆچبەری سوری و لێیانداون.
ئاماژەی بەوەشکرد، جەندرمە تا بەرەبەیانی ئەمڕۆ ئەو کۆچبەرانەیان دەستبەسەرکردووە و دواتر رادەستی میلیشیای “شورتەی عەسکەری” لایەنگری تورکیایان کردوون لە عەفرین.
سەرجەم کۆچبەرەکان نیشانەی ئەشکەنجەدانی توندیان پێوە دەرکەوتووە، سێ گەنجیش کە لەنێو کۆچبەرەکاندا بوون گواستراونەتەوە بۆ نەخۆشخانە.