بەرێوەبەرایەتی ئاسایشی هەولێر ڕاگەیەنراوێک بڵاودەکاتەوە
هەولێر – نۆرس پرێس
بەرێوەبەرایەتی ئاسایشی هەولێر ئاماژە بۆ ئەوە دەکات کە تۆمەتبارێکی ماددەی هۆشبەر، بەر لەئەنجامدانی تاوانێکی دڕندانە لەلایەن هێزەکانمانەوە دەستگیر کراوە.
بەرێوەبەرایەتی ئاسایش گووتیشی، تۆمەتبار(ن ،ن ، م) کە بازرگان و بەکارهێنەری ماددەی هۆشبەرە، لەژێر کاری گەری بەکارهێنانی ماددەی هۆشبەر ئەشکەنجەی هاوسەر و منداڵەکانی داوە و بەنیاز بو منداڵێکی خۆی کەتەمەنی تەنها (ساڵێك و نیوە) بەشێوەیەکی دڕندانە بکوژێت.
بەرێوەبەرایەتی ئاسایشی هەولێر ئاشکراشی دەکات کە بەر لەئەنجامدانی تاوانەکە، بە بڕیاڕی دادوەری لێکۆڵینەوەی ئاسایشی هەولێر لەلایەن هێزەکانمانەوە دەستگیرکرا و ڕوبەڕوی یاسا کرایەوە.