پلەکانی گەرما 9 پلە بەرزدەبنەوە.. شەپۆلێکی گەرما بە درێژایی هەفتەی داهاتوو روو لە سوریا دەکات
دیمەشق – نۆرس پرێس
بەرێوەبەرایەتی گشتی کەشناسی سوریا پێشبینیکردووە، ئەمرۆ پێنجشەممە، شەپۆلێکی گەرما کاریگەری لەسەر هەرێمەکە دروستدەکات و تاوەکو رۆژی چوارشەممەی داهاتوو بەردەوام دەبێت.
ئاماژەی بەوەشکردووە، پلەکانی گەرما لە رۆژانی یەکشەممە و دووشەممە و سێشەممەدا زیاتر بەرز دەبنەوە تاوەکو ٩ پلەی سەدی لە سەرووی تێکرا بێت.
کەش و هەوای هاوین تارادەیەک گەرم و روون دەبێت بە گشتی و لە ناوچەکانی رۆژهەڵات و دوورگەکە، هەروەها کەشوهەوای شەوانەش مامناوەند دەبێت لەگەڵ شێداری زۆر بەتایبەت لە ناوچەکانی کەنار دەریا و رۆژئاوا و بەشەکانی رۆژئاوا.
بای هەرێم لە رۆژئاوا تا باکووری رۆژئاوا دەبێت، لە نێوان سووک و مامناوەنددا دەبێت و لە هەندێک کاتدا هێڵی گەرمی چالاک دەبێت.
زانایانی کەشناسی هۆشدارییان دا لە کەشێکی تەماوی و تۆزاوی کە کاریگەری لەسەر رادەی بینینی ئاسۆیی لە ناوچەکانی رۆژهەڵات و دوورگەکە و بەدیە و ئاستی بەرزی شێداری رووی زەوی بەتایبەتی لە ناوچەکانی کەنار دەریا و رۆژئاوا.
هەروەها هۆشداریشی داوە لە بەرکەوتنی راستەوخۆی تیشکی خۆر لە ماوەی لوتکەدا بەتایبەتی بەساڵاچووان و منداڵان، ئەمە جگە لە روودانی ئاگر لە دارستانەکان و ناوچە دارستانییەکان و زەوییە کشتوکاڵییەکان بەهۆی بەرزی پلەکانی گەرما.