ناڕەزایەتییەک لە شاری حەسەکەی رۆژئاوای کوردستان لەپێناو تەرخانکردنی سووتەمەنی و کۆتاییهێنان بەگرانبوونی کاڵاکان

حەسەکە – نۆرس پرێس    

ئەمرۆ چوارشەممە، 2ی ئابی 2023، دەیان کەس لە دانیشتووانی گوندەکانی رۆژهەڵاتی حەسەکە لە رۆژئاوای کوردستان ناڕەزایەتییان دەربڕی و داوای تەرخانکردنی سوتەمەنی و کۆتاییهێنان بە گرانبوونی نرخی کاڵاکانیان کرد.

بەپێی سەرچاوەیەکی ناوخۆیی لە گوندەکەوە، خۆپیشاندەران رێگەی نێوان حەسەکە و هۆڵیان داخستووە، بە سووتاندنی تایەی ئۆتۆمبێل و ڕێگریکردن لە تێپەڕبوونی ئۆتۆمبێلەکان.

لەم دواییانەدا شاری حەسەکە شایەتحاڵی ناڕەزایەتی ژنان بوو، لەبەردەم بینای کانتۆنی حەسەکە، هەروەها داخستنی ڕێگایەکی سەرەکی گرنگ لە ناوەندی شارەکەدا، بۆ داوای ونبوونی بوتڵی غاز.